Ka lympung ïalehkai phutbol ba la tip kum ka “4th U Adelbert Laloo Memorial Trophy” ha ka kyrdan 3rd Division Football Tournament 2024 bala pynïaid da ka West Jaiñtia District Sports Association (WJDSA) Jowai kaba la long mynta ka sngi 18 tarik u Naitung ha madan Kiang Nangbah Stadium Dongmihsngi, Jowai.
Haba phai sha ka jingïakhun ba nyngkong mynta ka sngi kaba la long hapdeng ka Lumïongkjam pyrshah ïaka Youth Welfare Pynthor Langteiñ kila poi sha ka jingïakhaid khlem don kiba ïoh ban thep kol.
Ha ka jingïakhun kaba ar ka Ardamihki Demthring kala pynliem da 3-1 kol ïa ka Umshangiar, ïa ki kol na ka Ardamihki Demthring la thep da u Justify Ryngkhlem haka minit ba 18, u Damgkermio Ryngkhlem bad u Heisa Ryngkhlem. Katba ïa ka kol na ka Umshangiar la thep da u Tremi Phawa haka minit ba 40.
Haka jingïakhun kaba lai hapdeng ka Mooknor Nangbah bad ka Khliehshnong Ialong kila ïakhaid da mar shikol (1-1), ïa ka kol na ka Mooknor Nangbah la thep da u Pynshngaiñ Hinge haka minit ba 14, katba ïa ka kol na ka Khliehshnong Ialong la thep da u Sainkiru Pale haka mninit ba 4.
Haka jingïakhun kaba saw na ka liang ka Iooksi Youth Welfare kala pynliem da 1-0 kol ïa ka FAM, ïa katei ka shikol na ka Iooksi Youth Welfare la thep da u Pyrkhat Pasleiñ haka minit ba 30.