Ka lympung ïalehkai phutbol bala tip kum ka “4th U Adelbert Laloo Memorial Trophy” jong ka kyrdan 3rd Division Football Tournament 2024 bala pynïaid da ka West Jaiñtia District Sports Association (WJDSA) Jowai kaba la long mynta ka sngi 8 tarik u Nailar ha madan Kiang Nangbah Stadium Dongmihsngi, Jowai.
Haba phai sha ka jingïakhun ba nyngkong ka Chyrmang Wah kala pynliem da 2-1 kol ïa ka Dongnein Sohmynting, ïa ki kol na ka Chyrmang wah la thep da u Arkiru Bang haka minit ba 32 bad u Apsar Khlem haka minit ba 56, ïa ka shikol na ka Dongnein Sohmynting la thep da u Chemi Lyngdoh haka minit ba 63.
Ha ka jingïakhun kaba ar ka Newhill kala pynliem da 6-0 kol ïa ka Mustem East, ïa kitei ki kol na ka Newhill, la thep da u Simion Suchiang haka nimit ba 5, u Redi Talang (own goal) ha ka minit ba 22, u Hamedamanbha Thma haka minit ba 37, u Lamdame Sumer haka minit ba 42, u Dapoimi Dkhar ha ka minit ba 55 bad u Meno Suchen haka minit ba 70.