Ka lympung ïalehkai phutbol bala tip kum ka “4th U Adelbert Laloo Memorial Trophy” jong ka kyrdan 3rd Division Football Tournament 2024 bala pynïaid da ka West Jaiñtia District Sports Association (WJDSA) Jowai kaba la long mynta ka sngi 20 tarik u Nailar ha madan Kiang Nangbah Stadium Dongmihsngi, Jowai.
Haba phai sha ka jingïakhun kaba nyngkong ka Da i hi Mynsngat kala pynliem da 3-0 kol ïa ka Nangbah Pohshnong, ïa kitei ki lai kol na ka Da i hi Mynsngat la thep da u Depson Tokbi haka minit ba 7 & 42 bad u Pyndap Pyrtuh haka minit ba 45.
Haka jingïakhun kaba ar ka Royalpole Mihmyntdu kala pynliem da 3-1 kol ïa ka Mulang Ialong, ïa ki kol na ka Royalpole Mihmyntdu la thep da u Dahun Bang haka minit ba 23 bad u Chanbor Krem haka minit ba 35 & 47. Ïa ka kol na ka Mulang Ialong la thep da u Somit Pale haka minit ba 70.
Ha ka jingïakhun kaba lai ka Loompyrdi Iongpiah kala pynliem da 1-0 kol ïa ka Saiñdur Mihmyntdu, ïa katei ka shikol la thep da u Salan Passah haka minit ba 45.
Katba ha ka jingïakhun kaba saw ka Luti Tuber Ialong kala pynliem da 2-1 kol ïa ka Pynthor Youth Social Welfare, ïa ki kol na ka Luti Tuber Ialong la thep da u Chalin Lyngdoh haka minit ba 59 bad u Kam Lhuid haka minit ba 64. Ïa ka shikol na ka liang ka Pynthor Youth Social Welfare la thep da u Fredric Dhar haka minit ba 26.