Ka lympung ïalehkai phutbol jong ka kyrdan 3rd Division bala pynïaid da ka East Jaiñtia Hills District Football Association kaba la long mynta ka sngi 19 tarik u Nailur ha madan EJDSA Artificial Turf, Diengshynrum, Khliehriat.
Haba phai sha ka jingïakhun ba nyngkong ka kynhun ïalehkai jong ka Dkhiah East SC kala pynliem 3-0 Mookympad SSCC, ïa ki kol na ka Dkhiah East la thep da u Mihlang Sutnga haka minit ba 52, u Diwano Nongtdu haka minit ba 58 & 63.
Ha ka jingïakhun kaba ar hapdeng ka Umtyra YWSC bad ka Nongsning Youth SSC kila poi sha ka jingïakhiad khlem don kiba ïoh ban thep kol (0-0).
Katba ha ka jingïakhun kaba lai hapdeng ka Umlawang SC bad ka Moopala SC kine ki kynhun ruh kila poi sha ka jingïakhaid da 2-2 kol, ïa ki kol na ka Umlawang la thep da u Lionel Dkhar haka minit ba 14 bad u Premus Dkhar haka minit ba 45, ïa ki kol na ka Moopala SC la thep da u Elohim Nongtdu haka minit ba 16 bad u January Pajuh haka minit ba 33.