Ka lympung ïalehkai 3rd U Adelbert Laloo Memorial Trophy jong ka kyrdan 3rd Division Football Tournament 2023, ba la pynïaid da ka West Jaiñtia District Sports Association (WJDSA) kaba la long mynta ka sngi ha madan Kiang Nangbah Stadium, Dongmihsngi Jowai.
Haba phai sha ka jingïakhun kaba nyngkong ka Khliehmyntdu Neinshnong kala pynliem da 3-2 kol ïa ka Umshangiar, ïa kitei ki kol na ka Khliehmyntdu Neinshnong la thep da u Fivestarson Shylla ha ka minit ba 26 & 41 bad u Toto Sana ha ka minit ba 70. Na ka liang ka Umshangiar ïa ki kol la thep da u Lakhon Bareh ha ka minit ba 16 bad u Kdup Dkar haka minit ba 66.
Ha ka jingïakhun kaba ar kiba poi noh sha ka jingïakhaid da mar shikol 1-1 hapdeng Pateinki Sabah pyrshah ïa ka Mookyrdup, ïa ka kol na ka Pateinki Sabah la thep da u Mechwaki Dkhar ha ka minit ba 6. Katba na ka Mookyrdup la thep da u Deliverance Plain haka minit ba 70+2.
Ka jingïakhun kaba lai kila ïakhaid da mar 3-3 kol hapdeng ka Sohmynting Dongnein pyrshah ïa ka Mupliang, ïa ki kol na ka Sohmynting Dongnein la thep da u Wanmi Kyndait ha ka minit ba 25 & 29 bad u Salan Lyngdoh ha ka minit ba 67. Ïa ki kol na ka Mupliang la thep da u Emianga Phawa haka minit 51 bad u Morify Sna ha ka minit ba 64 & 70+1.
Katba ha ka jingïakhun kaba saw ka Lumpyrtuh Mihmyntdu kala pynliem da 3-2 kol ïa ka Samaro, ïa ki kol na ka Lumpyrtuh Mihmyntdu la thep da u Isack Chyrmang haka minit ba 34, u Wanbor Dkhar ha ka minit ba 44 bad u Firstborn Kyndait ha ka minit ba 46. Na ka liang ka Samaro la thep da u Dunsill Chyrmang ha ka minit ba 24 & 65.
Ka jingïakhun lashai ka sngi 3 tarik Nailar kan long hapdeng ka Madan Thadmuthlong pyrshah ïa ka Royal Pole Mihmyntdu ha ka por 10 shiteng mynstep, katba ka FAM kan ïakhun pyrshah ïa ka Pasyih Cultural ha ka por 12 baje shiteng sngi.