Ka lympung ïalehkai phutbol jong ka kyrdan 3rd Division bala pynïaid da ka East Jaiñtia Hills District Football Association kaba la long mynta ka sngi 30 tarik u Nailur ha madan EJDSA Artificial Turf, Diengshynrum, Khliehriat.
Haba phai sha ka jingïakhun ba nyngkong ka kynhun ïalehkai jong ka Khliehriat East YWSC kala pynliem da 5-0 kol ïa ka Umlawang SSC, ïa ki kol na ka Khliehriat East la thep da u Silvester Shylla haka minit ba 11 & 17, u Ijuhpaia Sympli haka minit ba 56 bad u Dilung Swer ha ka minit ba 57 & 64.
Ha ka jingïakhun kaba ar ka Teilang SSC Lummyrli kala pynliem da 1-0 kol ïa ka Umrasong SCC, ïa katei ka shikol na ka Teilang SSC Lummyrli la thep da u Markus Syngkor haka minit ba 56.
Katba ha ka jingïakhun kaba lai ka Moonongtdu SC kala pynliem da 3-1 kol ïa ka Seng Khynroo SSC Umsatai, ïa ki kol na ka Moonongtdu SC la thep da u Mephaski Lamurong haka minit ba 7 & 61 bad u Lamphrang Rasmut haka minit ba 20. Ïa ka shikol na ka Seng Khynroo SSC Umsatai la thep da u Sakhiat Bareh haka minit ba 5.