Ka lympung ïalehkai phutbol bala tip kum ka “4th U Adelbert Laloo Memorial Trophy” jong ka kyrdan 3rd Division Football Tournament 2024 bala pynïaid da ka West Jaiñtia District Sports Association (WJDSA) Jowai kaba la long mynta ka sngi 7 tarik u Nailar ha madan Kiang Nangbah Stadium Dongmihsngi, Jowai.
Haba phai sha ka jingïakhun ba nyngkong ka Loompyrdi Iongpiah kala pynliem da 1-0 kol ïa ka Royal Pole Mihmyntdu, ïa katei ka shikol na ka Loompyrdi Iongpiah la thep da u Rishanki Laloo haka minit ba 39.
Ha ka jingïaskhun kaba ar ka Riatsaliya Mihmyntdu kala pynliem da 4-0 kol ïa ka Nangbah Pohshnong, ïa kitei ki kol na ka Riatsaliya Mihmyntdu la thep da u Ishanroy Pde haka minit ba 5, u Issac Chyrmang haka minit ba 41 bad u Iohi Chyrmang ha ka minit ba 55 & 57.