Ka lympung ïalehkai 3rd U Adelbert Laloo Memorial Trophy jong ka kyrdan 3rd Division Football Tournament 2023, ba la pynïaid da ka West Jaiñtia District Sports Association (WJDSA) kaba la long mynta ka sngi ha madan Kiang Nangbah Stadium, Dongmihsngi Jowai.
Haba phai sha ka jingïakhun kaba nyngkong ka Lumkhangdong Kyndongtuber kala lah ban pynliem da 2-1 kol ïa ka Luti tuber Ialong, ïa kine ki kol na ka Lumkhangdong Kyndongtuber la thep ar kol da u Damepaia Shylla ha ka minit ba 24 bad 56. Ïa ka shikol na ka Luti tuber Ialong la thep da u Leader Mulieh ha ka minit ba 42.
Ha ka jingïakhun kaba ar ka Nangbah Khloopano kala pynliem da 2-1 kol ïa ka Lumpyrtuh Mihmyntdu, ïa ki kol na ka Nangbah Khloopano la thep marwei da u Teibor Lamare ha ka minit ba 23 bad 43. Na ka liang ka Lumpyrtuh Mihmyntdu la thep da u Telme Rymbai ha ka minit ba 33.
Ka jingïakhun kaba lai ka ka Madanthad Thadmuthlong kala pynliem da 4-0 kol ïa ka Samaro, ïa ki kol na ka Madanthad Thadmuthlong la thep da u Precious Tang haduh lai kol haka minit ba 9,11 & 13 bad u Manhok Suchiang haka minit ba 40.
Katba ha ka jingïakhun kaba saw ka Mulang Ialong kala pynliem da 2-0 ïa ka Royal Pole Mihmyntdu, ïa kitei ki ar kol na ka Mulang Ialong la thep da u Poisuk Dhar haka minit ba 58 bad u Dangaitlang Mulieh haka minit ba 67.