Ka lympung ïalehkai phutbol bala tip kum ka “4th U Adelbert Laloo Memorial Trophy” jong ka kyrdan 3rd Division Football Tournament 2024 bala pynïaid da ka West Jaiñtia District Sports Association (WJDSA) Jowai kaba la long mynta ka sngi 13 tarik u Nailar ha madan Kiang Nangbah Stadium Dongmihsngi, Jowai.
Haba phai sha ka jingïakhun kaba nyngkong ka Lumpyrtuh Mihmyntdu kala pynliem da 1-0 kol ïa ka Pateiñki Sabah, ïa katei ka shikol na ka Lumpyrtuh Mihmyntdu la thep da u Arwan Rymbai haka minit ba 49.
Ha ka jingïakhun kaba ar ka Phramer kala pynliem da 1-0 kol ïa ka Mooknor Nangbah, ïa katei ka kol na ka Phramer la thep da u Riki Suchiang haka minit ba 68.
Ka jingïakhun kaba lai ka kynhun jong ka Saiñdur Mihmyntdu kala pynliem da 2-1 kol ïa ka Nangbah Khloopano, ïa ki kol na ka Saiñdur Mihmyntdu la thep da u Kerlang Rymbai ha ka minit ba 47 & 52, ïa ka shikol na ka Nangbah Khloopano la thep da u Star Lamare haka minit ba 37.
Katba ha ka jingïakhun kaba saw ka Riatsaliya Mihmyntdu kala pynliem da 2-0 kol ïa ka Dongnein Sohmynting, ïa ki kol na ka Riatsaliya Mihmyntdu la thep da u Ioh i Chyrmang ha ka minit ba 3 bad u P. Kharsohtun haka minit ba 63.