Ka lympung ïalehkai 3rd U Adelbert Laloo Memorial Trophy jong ka kyrdan 3rd Division Football Tournament 2023, ba la pynïaid da ka West Jaiñtia District Sports Association (WJDSA) kaba la long mynta ka sngi ha madan Kiang Nangbah Stadium, Dongmihsngi Jowai.
Haba phai sha ka jingïakhun kaba nyngkong ka Mookaswan Dongwah kala pynliem da 3-2 kol ïa ka Kseh Sylle Ialong, ïa ki kol na ka Mookaswan Dongwah la thep da u Buhpormi Myrboh ha ka minit ba 4, u Slim Myrboh ha ka minit ba 38 bad u Shailang Lawai ha ka minit ba 56. Na ka liang ka Kseh Sylle Ialong ïa ki ar kol la thep da u Niawki Phawa haka minit ba 27 bad u Wanbait Suchiang haka minit ba 30.
Katba ha ka jingïakhun kaba ar Madankynsaw Mawkyndeng kala pynliem haduh 7-1 kol ïa ka Football Academy Meghalaya (FAM), ïa kitei ki kol na ka Madankynsaw Mawkyndeng la thep da Damechan I Saioo haka minit ba 13, u Dangri Phawa saw kol haka minit ba 19, 45, 56 & 65, u Philemin Lamare haka minit ba 54 bad u James Edison Suchiang haka minit ba 55.
Ka jingïakhun lashai ka sngi 28 tarik kan long hapdeng ka Pasyih Cultural pyrshah ïa ka Tympang Club ha ka por 10 shiteng mynstep, katba ka Newhills kan ïakhun pyrshah ïa ka Chyrmang Wah ha ka por 12 baje shiteng sngi.
*********************