Ka lympung ïalehkai phutbol bala tip kum ka “4th U Adelbert Laloo Memorial Trophy” jong ka kyrdan 3rd Division Football Tournament 2024 bala pynïaid da ka West Jaiñtia District Sports Association (WJDSA) Jowai kaba la long mynta ka sngi 6 tarik u Nailar ha madan Kiang Nangbah Stadium Dongmihsngi, Jowai.
Haba phai sha ka jingïakhun ba nyngkong mynta ka sngi hapdeng ka Pasyih Cultural bad ka Lumkhangdong Kyndong Tuber kila poi sha ka jingïakhaid da mar shikol (1-1). Ïa ka kol na ka Pasyih Cultural la thep da u Sambun Dkhar haka minit ba 34 bad na ka liang ka Lumkhangdong Kyndong Tuber la thep da u Phorki Shyrmang haka minit ba 30.
Katba ha ka jingïakhun kaba ar ka Mookaswan Dongwah kala pynliem da 2-0 kol ïa ka Khliehshnong Ialong, ïa kitei ki kol na ka Mookaswan Dongwah la thep da u Emiianga Phawa haka minit ba 20 bad u Monjurlang Suchiang haka minit ba 30.