Ïakhaid ka Nangbah Mooknor hapdeng ka Luti Tuber Ialong
Ka lympung ïalehkai 3rd U Adelbert Laloo Memorial Trophy jong ka kyrdan 3rd Division Football Tournament 2023, ba la pynïaid da ka West Jaiñtia District Sports Association (WJDSA) kaba la long mynta ka sngi ha madan Kiang Nangbah Stadium, Dongmihsngi Jowai.
Haba phai sha ka jingïakhun kaba nyngkong kala poi sha ka jingïakhaid da 1-1 kol hadpeng ka Nangbah Mooknor pyrshah ïa ka Luti Tuber Ialong. Ïa ka kol na ka Nangbah Mooknor la thep da u Ram Hinge haka minit ba 57. Na ka Luti tuber Ialong la thep da u Ebormi Lhuid haka minit ba 37.
Ha ka jingïakhun kaba ar ka Mulang Ialong kala pynliem da 2-0 kol ïa ka Nangbah Khloopano, ïa kitei ki ar kol na ka Mulang Ialong la thep da u Tellme Mulieh haka minit ba 36 bad ka minit ba 58.
Ha ka jingïakhun kaba lai ka Madankynsaw Mookyndeng kala pynliem da 4-1 kol ïa ka Kseh sylle Ialong, ïa ki kol na ka Madankynsaw Mookyndeng la thep da u L. Passah haka minit ba 24, u D.C Sayoo haka minit ba 27, u P. Lamare haka minit ba 59 bad u C. Suchiang haka minit ba 65. Na ka liang ka Kesh Sylle Ialong ïa ka shikol la thep da u Iah Dhar haka minit ba 20.
Katba ha ka jingïakhun kaba saw ka Tympang Club ka pynliem da 2-0 kol ïa ka FAM ïa kitei ki ar kol na ka Tympang Club la thep da u Niwanoo Lamare haka minit ba 49 bad u Dayoki Dkhar haka minit ba 70+3.