Ka lympung ïalehkai phutbol bala tip kum ka “4th U Adelbert Laloo Memorial Trophy” jong ka kyrdan 3rd Division Football Tournament 2024, bala pynïaid daka West Jaiñtia District Sports Association (WJDSA) Jowai ha madan Kiang Nangbah Stadium Dongmihsngi, Jowai kaba la jam sha ka jingïakhun Pre Quarter Final mynta ka sngi 26 tarik u Nailar .
Haba jingïakhun ba nyngkong ka Myrjai kala pynliem da 4-0 kol ïa ka Mookynphad Mihmyntdu, ïa ki kol na ka Myrjai la thep da u Sperbha Syntem haka minit ba 28 & 62, u Elad Dhar haka minit ba 63 bad u Bison Kyndait haka minit ba 73.
Haka jingïakhun kaba ar ka Pasyih Cultural kala pynliem da 3-2 kol ïa ka Madan Thadmuthlong, ïa ki kol na ka Pasyih la thep da u Deibha Dkhar haka minit ba 52 & 80 bad u Seiborlang Dkhar ha ka minit ba 80+2. Ïa ka shikol na ka Madan Thadmuthlong la thep da u Precious Tang haka minit ba 14 & 32..