Ka lympung ïalehkai 3rd U Adelbert Laloo Memorial Trophy jong ka kyrdan 3rd Division Football Tournament 2023, ba la pynïaid da ka West Jaiñtia District Sports Association (WJDSA) kaba la long mynta ka sngi saitjaiñ ha madan Kiang Nangbah Stadium, Dongmihsngi Jowai.
Haba phai sha ka jingïakhun kaba nyngkong ka Myrjai kala pynliem da 2-0 kol ïa ka Khlieh Shnong Ialong, ïa kitei ki ar kol na ka Myrjai la thep da u Jumonki Phawa haka minit ba 5 bad u Bahduh Phawa haka minit ba 44.
Ha ka jingïakhun kaba ar kila poi sha ka jingïakhaid da mar 1-1 kol hapdeng ka Da I hi Mynsngat pyrshah ïa ka SCSC Nonglatem, ïa ka kol na ka Da I hi Mynsngat la thep da u Heltwis Pyrtuh haka minit ba 45, katba na ka SCSC Nonglatem la thep da u Living Suja haka minit ba 60.
Ka jingïakhun ha ka sngi nyngkong 31 tarik kan long hapdeng ka Lumchyrmang Mihmyntdu pyrshah ïa ka Loompyrdi Iongpiah haka por 10 shiteng mynstep, katba ka Lumsliarsliar kan ïakhun pyrshah ïa ka Iooksi Youth Welfare haka por 12 baje shiteng sngi.