Ka lympung ïalehkai 3rd U Adelbert Laloo Memorial Trophy jong ka kyrdan 3rd Division Football Tournament 2023, ba la pynïaid da ka West Jaiñtia District Sports Association (WJDSA) kaba la long mynta ka sngi ha madan Kiang Nangbah Stadium, Dongmihsngi Jowai.
Haba phai sha ka jingïakhun kaba nyngkong ka Newhills kala pynliem haduh 12-0 kol ïa ka Salaroh.
Ha ka jingïakhun kaba ar ka Mookaswan Dongneiñ kala pynliem da 1-0 kol ïa ka Myrjai, ïa katei ka shikol na ka Mookaswan Dongnein la thep da u Jeremy Shylla ha ka minit ba 31.
Ha ka jingïakhun kaba lai ka Lumbhahdakha kala pynliem da 3-0 kol ïa ka Riatsaliya Mihmyntdu. Ïa ki kol na ka Lumbhahdakha la thep ar kol da u Gideon Mukhim haka minit ba 6 bad 50, u Sumarlangki Suting ula thep ha ka minit ba 68.
Katba ha ka jingïakhun kaba saw ka Moodop Royal kala pynliem da 1-0 kol ïa ka Pammanik, ïa katei ka shikol na ka Moodop Royal la thep da u Harveststar Dhar ha ka minit kaba 47.