Ka lympung ïalehkai phutbol bala tip kum ka “4th U Adelbert Laloo Memorial Trophy” jong ka kyrdan 3rd Division Football Tournament 2024 bala pynïaid da ka West Jaiñtia District Sports Association (WJDSA) Jowai kaba la long mynta ka sngi 17 tarik u Nailar ha madan Kiang Nangbah Stadium Dongmihsngi, Jowai.
Haba phai sha ka jingïakhun kaba nyngkong ka Pammanik kala pynliem da 7-0 kol ïa ka Mustem East, ïa kitei ki kol na ka Pammanik la thep da u Shanbait Pakma haka minit ba 10 & 12, u Jamris Talang haka minit ba 21 & 64, u Bestmiki Talang haka minit ba 40 bad u Shanbor Talang haka minit ba 62 & 68.
Haka jingïakhun kaba ar ka Mookaswan Dongwah kala pynliem da 3-1 kol ïa ka Phramer, ïa ki kol na ka Mookaswan Dongwah la thep da u Emi ianga Phawa haka minit ba 43 & 54 bad u Kermi Shylla haka minit ba 57. Na ka liang ka Phramer ïa ka shikol la thep da u Phomi Tang haka minit ba 36.
Katba ha ka jingïakhun kaba lai ka Iooksi Youth Welfare kala pynliem da 2-0 kol ïa Madanthad Muthlong, ïa kitei ki kol na ka Iooksi Youth Welfare la thep da u Banpynroi Tang haka minit ba 42 bad u Sammaia Sumer haka minit ba 70+1.