Ka lympung ïalehkai phutbol bala tip kum ka “4th U Adelbert Laloo Memorial Trophy” jong ka kyrdan 3rd Division Football Tournament 2024 bala pynïaid da ka West Jaiñtia District Sports Association (WJDSA) Jowai kaba la long mynta ka sngi 16 tarik u Nailar ha madan Kiang Nangbah Stadium Dongmihsngi, Jowai.
Haba phai sha ka jingïakhun kaba nyngkong ka Pasyih Cultural kala pynliem da 4-0 kol ïa ka Pateinki Sabah, ïa kitei ki kol na ka Pasyih Cultural la thep da u Deiwi Rymbai haka minit ba 35+1, u Deini Dkhar haka minit ba 43, u Shaniah Siangshai haka minit ba 65 bad u Meki Rymbai haka minit ba 69.
Ha ka jingïakhun kaba ar ka Katholik Youth Mihmyntdu kala pynliem da 6-1 kol ïa ka Khliehshnong Ialong, ïa ki kol na ka Katholik Youth Mihmyntdu la thep da u Wompher Dkhar haka minit ba 2, 26 & 66, u Wanbait Chyrmang ha ka minit ba 36 & 60 bad u Careme Dkhar haka minit ba 46 min. Ïa ka kol na ka Khliehshnong Ialong la thep da u Shanlang Lyngdoh haka minit ba 48.
Katba ha ka jingïakhun kaba lai ka Lumchyrmang Mihmyntdu kala pynliem da 2-0 kol ïa ka Chyrmang, ïa kitei ki kol na ka Lumchyrmang Mihmyntdu la thep da u Lutmon Chyrmang haka minit ba 4 & 53.