Ka lympung ïalehkai phutbol bala tip kum ka “4th U Adelbert Laloo Memorial Trophy” jong ka kyrdan 3rd Division Football Tournament 2024 bala pynïaid da ka West Jaiñtia District Sports Association (WJDSA) Jowai kaba la long mynta ka sngi 9 tarik u Nailar ha madan Kiang Nangbah Stadium Dongmihsngi, Jowai.
Na ka liang ka kynhun ïalehkai jong ka Pynthor Langtein kala jop khlem jingïakhun ïa ka FAM (walk over)
Katba ha ka jingïakhun kaba ar ka Luti tuber Ialong kala pynliem da 2-0 kol ïa ka Mookynphad Mihmyntdu, ïa ki kol na ka Luti tuber Ialong la thep da u Chalinstar Lyngdoh haka minit ba 29 bad u Damon Pale haka minit ba 59.