Ka lympung ïalehkai phutbol bala tip kum ka “4th U Adelbert Laloo Memorial Trophy” ha ka kyrdan 3rd Division Football Tournament 2024 bala pynïaid da ka West Jaiñtia District Sports Association (WJDSA) Jowai kaba la long mynta ka sngi 26 tarik u Naitung ha madan Kiang Nangbah Stadium Dongmihsngi, Jowai.
Haba phai sha ka jingïakhun ba nyngkong mynta ka sngi ka Riatsaliya Mihmyntdu kala pynliem da 2-0 kol ïa ka Da I hi Mynsngat, ïa ki kol na ka Riatsaliya Mihmyntdu la thep da u Iohhi Chyrmang ha ka minit ba 3 bad u Ishanroy Pde haka minit ba 70.
Haka jingïakhun kaba ar hapdeng ka Dongnein Sohmynting bad ka Lumchyrmang Mihmyntdu kila poi sha ka jingïakhaid khlem don kiba thep kol (0-0).
Haka jingïakhun kaba lai ka Luti Tuber Ialong kala pynliem da 2-0 kol ïa ka Lum Sliar sliar, ïa ki kol na ka Luti Tuber Ialong la thep da u Fredrick Dhar haka minit ba 15 bad u Dangait Pale haka minit ba 34.
Katba ha ka jingïakhun kaba saw ka Ardamihki Demthring kala pynliem da 2-0 kol ïa ka SC SC Nonglatem, ïa ki kol na ka Ardamihki Demthring la thep da u Heisadaemitre Ryngkhlem ha ka minit ba 16 bad u Lodestar Talang ha ka minit ba 70+3.