Ka lympung ïalehkai 3rd U Adelbert Laloo Memorial Trophy jong ka kyrdan 3rd Division Football Tournament 2023, ba la pynïaid da ka West Jaiñtia District Sports Association (WJDSA) kaba la long mynta ka sngi ha madan Kiang Nangbah Stadium, Dongmihsngi Jowai.
Haba phai sha ka jingïakhun kaba nyngkong ka Royal Pole Mihmyntdu kala pynliem da 3-1 kol ïa ka Nangbah Khlopanoo, ïa ki kol na ka Royal Pole Mihmyntdu la thep da u Pynchai Chullet haka minit ba 5 & 14, u Marsanki Suchiang ula thep haka minit ba 44. Katba ïa ka shikol na ka Nangbah Khlopanoo la thep da u Aiban Lamare haka minit ba 64.
Ha ka jingïakhun kaba ar Mulang Ialong kala lah ban pynliem da 2-0 kol ïa ka Lumpyrtuh Mihmyntdu, ïa ki kol na ka Mulang Ialong la thep da u Tellmi Mulieh haka minit ba 50 bad u Challet Phawa haka minit ba 64.
Ka jingïakhun lashai ka sngi 27 tarik kan long hapdeng ka Mookaswan Dongwah pyrshah ïa ka Kseh Sylle Ialong ha ka por 10 shiteng mynstep, katba ka Madan Kynsaw Mawkyndeng kan ïakhun pyrshah ïa ka FAM ha ka por 12 baje shiteng sngi.
