Ka lympung ïalehkai 3rd Division Football Tournament 2023 kaba la tip ruh kum ka 3rd U Adelbert Laloo Memorial Trophy, kaba pynïaid da ka West Jaiñtia District Sports Association (WJDSA) kaba la long mynta ka sngi 28.07.2023, ha madan Kiang Nangbah Stadium, Dongmihsngi Jowai, baroh ki jingiakhun ki long kiba itynnad.
Haba phai sha ka jingïakhun kaba nyngkong ka Tympang Club kala pynliem da 2-1 kol iaka Pasyih Cultural, ïa ki kol na ka Tympang Club la ioh ban thep da u Pynshai Chyrmang ha ka minit ba 8 bad u Vishal Nongpluh ha ka minit ba 4 bad ia ka kol jong ka Pasyih Cultural la ioh ban thep da u Iaineh Suchiang ha ka minit kaba 20 jong ka jingiakhun.
Katba ha ka jingïakhun kaba ar pat ka Newhills kala pynliem ïa ka Chyrmang wah da 2-0 kol, ïa kitei ki ar tylli ki kol jong ka Newhills la ioh ban thep da u Samson Swer haka minit ba 4 bad ia ka kol kaba ar da u Dawanlang Laloo haka minit kaba 36 jong ka jingiakhun.