Ka lympung ïalehkai phutbol kaba la tip kum ka “4th U Adelbert Laloo Memorial Trophy” jong ka kyrdan 3rd Division Football Tournament 2024 bala pynïaid da ka West Jaiñtia District Sports Association (WJDSA) Jowai kaba la long mynta ka sngi 17 tarik u Naitung ha madan Kiang Nangbah Stadium Dongmihsngi, Jowai.
Haba phai sha ka jingïakhun ba nyngkong mynta ka sngi ka kynhun ïalehkai jong ka Mulang Ialong kala pynliem da 6-0 kol ïa ka Loompyrdi Iongpiah.
Haka jingïakhun kaba ar ka Dongnein Sohmynting kala pynliem da 5-0 kol ïa ka Nangbah Pohshnong, ïa kitei ki kol na ka Dongneiñ Sohmynting la thep mar ar kol da u Chemi Lyngdoh bad u Wanki Kyndait, katba kawei ka kol la thep da u Nidawan Kharlukhi.
Ha ka jingïakhun kaba lai ka Madan Thadmuthlong kala lah ban pynliem da 1-0 kol ïa ka Pynthor Langtein, ïa katei ka shikol la thep da u Precious Tang haka minit ba 65.
Katba ha ka jingïakhun kala saw na ka liang ka Moodymmai kala pynliem da 6-0 kol ïa ka Mustem East, ïa kitei ki kol la thep da u Solomon Chullai ha ka minit ba 6, u Enrique Pariat ula ioh saw kol haka minit ba 8, 45, 50 & 52 bad u Ebenezer Slong haka minit ba 70.