Ka Jylla Meghalaya kan ioh ia ka sorkar ba thymmai ia kaba la ai kyrteng biang ka Meghalaya Democratic Alliance tangba mynta yn tip ia ka kum ka MDA-2. Kane ka sorkar kan kynthup 4 ngut na ri lum Garo bad 8 ngut na ri lum Khasi-Jaiñtia ki ban king ia ka lieng jong ka Jylla.
Na ka liang jong u Conrad K. Sangma u ban shimti biang ia ka shuki Myntri Rangbah ka Jylla haba ai jingkren mynta ka sngi ula ong ba kila sngewdei ban pynneh biang da ka kyrteng jong ka sorkar kaba rim, namar ba ki kynhun kiba iatrei lang ha kane ka kynti ruh ki long ki juh hi kum ha kane ka samoi kaba la dep. U ong la sngewdei ban pynneh biang ia ka kyrteng jong ka Meghalaya Democratic Alliance kaba yn tip noh kum ka MDA-2.
Ha kane ka kynti na ka liang ka NPP kan shim khambun ki shuki Myntri kata haduh 8 tylli kaba kynthup ia ka shuki Myntri Rangbah, 2 ngut yn ai sha ka UDP, 1 sha ka BJP bad 1 sha ka HSPDP.