Ki don haduh 4 (saw) ngut ki kyrtong MDC ki ban ïakhun na ka 17- Nangbah-Mihmyntdu Constituency sha ka ïing Dorbar thawaiñ ka JHADC.
Kine ki 4 saw ngut ki kyrtong na ka Nangbah–Mihmyntdu, ki kynthup ïa u ma Brightstar Chyrmang kum u kyrtong shimet (IND) uba dei ruh u Sitting MDC, u ma Tellme Phawa na ka NPP, u ma Cresentus Susngi na ka VPP bad u ma Meiowan Pasi na ka UDP.
Napdeng kine ki kyrtong kiba la pynkhreh bha ban ïa aireng kin sa tip ïa ka rai ba khadduh ha ka 24 tarik ka sngi ñiew vote na ka bynta ban jied uwei napdeng kitei ki san ngut kum u MDC u ban leit mihkhat sha ka JHADC ban ïasait ïa ki paidbah ka Constituency bad ban pynïaid shakhmat ïa ki kam jong ka District Council hi baroh kawei.
Ki shnong kiba hap hapoh kane ka 17- Nangbah–Mihmyntdu ki kynthup ïa ka Mihmyntdu Lampyrdi-A, Mihmyntdu Lumpyrdi-B, Mihmyntdu Lumpyrtuh-A, Mihmyntdu Lumpyrtuh-B, Mookynphad Mihmyntdu, Mihmyntdu Lumpyrtuh Salini Colony, Sabahmuswang-A, Sabahmuswang-B, Nangbah Presbyterian-A, Nangbah Presbyterian B, Nanghah lawmusiang-A, Nangbah Iawmusiang-B, Nangbah Mulang-A, Nangbah Mulang-B, Nangbah Moopasi, Nangbah Lumchor, Nangbah Kyndongsyiem-A, Nangbah Kyndongayiem-B, Umshangiar Iongbiam.