Ki don 4 (saw) ngut ki kyrtong MDC ki ba ïakhun na ka 18-Jowai North Constituency kine ki kyrtong kila sdang ban leit ialap election sha kylleng ki jaka kiba hap hapoh katei ka Constituency.
Kine ki 4 saw ngut ki kyrtong na ka 18-Jowai North, ki kynthup ïa u ma Awhai Andrew Shullai na ka VPP uba dei ruh u Sitting MDC na ka Jowai Central kaba la shah pynduh noh, u ma Dachemlok Isniaw Kjam na ka NPP, u ma Marki Mulieh na ka UDP, uba ju long teng u MDC ka Jowai North bad u ma Khroo Lamsalanki Pariat kum u kyrtong shimet (IND).
Napdeng kine ki kyrtong kiba la pynkhreh bha ban ïa aireng kin sa tip ïa ka rai ba khadduh jong u paidbah ka ban sa long ha ka 24 tarik kaba dei ka sngi ñiew vote iano ki paidbah mi mon ban pynjop napdeng kitei ki san ngut kum u MDC u ban leit mihkhat sha ka JHADC.
Ki shnong kiba hap hapoh kane ka 18. Jowai-North Constituency ki long ka Iawmusiang-A, Iawmusiang-B, Moosalyngkat, Lumsooiung Newhill, Ladthadlaboh-A Playground Area, Riatmulain, Ladthadlaboh-B Main Road, P.W.D. Campus, Tyndowapung, Caroline Colony, Ladthadlaboh-C. Mooralong, Lumpariat, Mookyrdup, Salaroh, Mission Compound-A, Mission Compound-B, Lumkyrwiang. Chilliangraij-A, Chilliangraij-B, Umshangiar, Iongpiah-A, Iongpiah- B, Lumïongkjam, Pynthorlangteiñ, Tpep Pale, Chutwakhu-A, Chutwakhu-B, bad Muphlang.