4 ngut na St. Anthony mar 2 ngut na St. Mary’s bad Laban Bangalee Boy’s bud sa kiwei ba rung First Ten Position ha ka result Commerce Stream

Ka St. Anthony’s Hr. Sec. School, Shillong ka la long ka skul kaba ioh bun ngut eh kiba poi ha ka thup First Ten Position ha ka result jong ka Commerce Stream kaba la pynmih da ka MBOSE mynta ka sngi bud sa ka St. Mary’s HSS bad ka Bangalee Boy’s HSS.

Ki samla pule jong ka St. Anthony’s, Shillong kiba la rung ha ka thup First Ten Position ki la ioh ban bat ia ka kyrdan kaba 2^nd (Raj Paul), 3^rd (Pinky Kumari),  4^th (Nearlina Bani Nongbri) bad ka 5^th position (Ishuah Kharsohtun).

Ka St. Mary’s HSS, Shillong ka don ar ngut ki samla ba ioh rung ha kane ka list bad kala wan hakhlieh duh namar ki samla pule jong ka kila ioh bat ia ka kyrdan 1^st (Ferry Filarisha Wann) bad ka 9^th position (Alphi Clarissa Warjri).

Ka Laban Bangalee Boy’s HSS, Shillong ka la ioh ar tylli ki kyrdan kata ha ka 3^rd (Pongkoch Dutta) bad ka 8^th position (Imazul Haque Laskar).

Ka St. Edmund’s HSS, Shillong ruh ka la ioh ar tylli ki kyrdan kata ka 4^th (Ryan Surong Myrthong) bad ka 6^th position (Sneha Paul). Bud pat sa ka Don Bosco College (Hr.Sec. Section), Tura kaba la ioh ia ka kyrdan 3^rd position (Aditya Prasad).

Ka Shillong College Hr. Sec. Education, Shillong ha ka kyrdan kaba 7^th position (Dicky Nongpluh) bad ka Alpha English HSS, Nongpoh kaba la ioh bat ia ka kyrdan kaba 10^th position (Jagjot Singh).