Ka ophis District Social Welfare Officer, East Khasi Hills District ha ka jingiatreilang bad ka ophis District Sports Officer, East Khasi Hills District kin sa pynlong ia ka jingmareh marathon kaba 5 Km ha ka 3 tarik mynta u bnai.
Kane ka jingmareh ka long shi bynta ban pyrshah ia ka jingpyndokam ia ki jingdih pynbuaid bad ka jingkhaïie be-aiñ ia ki. Ia kane ka jingmareh la ai kyrteng “Run Against Substance Abuse and Illicit Trafficking” hapoh ka Nasha Mukt Bharat Abhiyaan.
Ka jingiamareh kan sdang naduh ka por 7:00 AM na Golf Club (Parking Lot), Shillong. Kumta ka ophis ka khot ia ki khun samla shynrang bad kynthei, kumjuh ki rangbah ban wan iashim bynta ha kane ka marathon ba 5 Km.
