Ka Hynniewtrep Youth Council (HYC ) mynta ka sngi ka 14 tarik Nailar 2024 kala leit ban ïa kynduh ïa u Deputy General Manager, State Bank of India (SBI), ba peit hapoh ka Nongbah Shillong ban dawa pyntreikam da ka bhah thung kam 44 Percentage katkum ka Ministry of Personnel Grievances & Pension ia ki Group-C bad Group -D.
Kane ka jingdawa ka HYC kadei hadien ba ka SBI Head Office na Mumbai kala khot thepkam haduh 77 tylli ki post ha ki Branch bapher bapher ha ka jylla Meghalaya.
Haba kren sha ki lad pathai Khubor u Bah Roykupar Synrem, President ka Hynniewtrep Youth Council (HYC) u la ong ba ka seng ka la ioh jingtip na ki jingujor ba 33 tyli ki post hynrei tang 4 ngut ki samla kiba pass ïa ka Eksamin hynrei lait na kata 30 ngut ka SBI ka thmu ban thung ne pyndap da ki ST na kiwei ki jylla.
Shuh shuh u Bah Roy Kupar Synrem u la ïathuh ba u la ai por 5 sngi ïa ka SBI Shillong ban pynbeit katkum ka OM ba la pyllait ban pyniaid beit iaid ryntih kumba ka long ym ban thep kam da ki ST ba nabar ka jylla, bad lada kim sngap ne pyntip eiei ka Seng kan sa pynlong da ki jingiakhih ba tyngeh ha kylleng ka Ri Khasi pyrshah ia ka SBI.
