Ha ka jingialang jong ki kynhun Myntri kaba la long mynta ka sngi (5 Tarik Naiwieng 2024), la iatai halor ki 5 tylli ki mat ki ba kynthup ia ka jingmynjur ia ka Meghalaya Building By Laws ba la pynkylla thymmai, kaba kynthup ia ki jingpynkylla ban pynbeit ia ka jingpynroi ia ki jaka karkhana bad ban pynsuk ia ka jingpynheh kaba ryntih, kaba treikam ha baroh ki jaka karkhana ba la buh kyrpang ha ka jylla.
Ka kynhun Myntri ka la mynjur ïa ka Meghalaya Forensic Science Service Rules, kaba pynsuk ban thaw ïa ki jaka treikam ba kham bun na ka bynta ki Mobile Forensic Crime Scene Unit ha kylleng ki Distrik.
La ai ruh ka jingmynjur halor ka jingtyrwa ban thung ia u Col. Daryl Hopkins kum u Chairperson jong ka Zila Sainik Welfare Office, Tura na ka bynta 5 snem.
Nalor kane, la mynjur ia ka jingthung ia u Sh. B K Lyngwa, Retd IFS bad PCCF barim kum u Chairperson jong ka Meghalaya State Regulatory Authority.
Ka jingtyrwa jong ka tnad C&RD ban thaw ia ka Meghalaya Rural Services Board ka la ioh ia ka jingmynjur na ka kynhun myntri. Kane kan plie lad ban thungkam ia ki 59 ngut ki Junior Rural Development Officers bad kan pynkloi ia ka rukom thungkam ban pynbiang ia ka jingdawa ia ki ophisar kiba ha trai ri ban pyntreikam ia ki projek bad ki jingthmu bapher bapher jong ka Sorkar.