Ka Hynniewtrep Youths’ Council (HYC) Umlieh Unit kaba hap hapoh Nongstoiñ Circle, West Khasi Hills District ha ka step Saitjaiñ jong ka 22 tarik u bnai Naiwieng 2025 kala mih ryngkat Ki dkhot ka HYC Nongkasen Unit ban ia beh bad wad ia u Nongniah kawei ka kali pickup Barjylla kaba don u Number AS-03CC-3644 kala iuh ne tylliat ia u Heprit New Bronson Syiemlieh uba 5 snem rta naka Shnong Tiehsaw Khyllem ha katei ka shnong hi haka por 8:20 AM eiei.
Mar ia jia ki dkhot ka HYC ki la ia phon iaki Nongialam ka HYC West Khasi Hills District bad la phah ap kylleng ki jaka bad daka jingtrei shitom ki shipai ka HYC Umlieh Unit la Ioh ban beh bad u la phet noh ha Police Check Point ha Tiehsaw Khyllem.
Naka liang kiba ha Iing ki la pynkit ia u Heprit sha Markasa PHC, namar lah jur eh la pynkit noh ha NEIGRIHM Hospital Shillong.
Naka liang ka Seng HYC Samla Sevenson Pariong President HYC Umlieh Unit u la ong ba ka Seng ka pynrem jur iakane ka jingpynher stet ki Kali khlem map iaki Khyllung Khynnah.
Ka Seng ka kitbok kit rwiang ia u Heprit Newbronson un jem noh na ka jingmynsaw jur.
Ha kajuh ka por ka maham ia ki nongniah kali ba kim dei ban pynher stet hapoh ka area Shnong.
Bad ruh ka HYC ka dawa na ka Police Department ban pynshitom ia u ne u Barjylla bad ba u dei ban siew ia ka bai lut Ksan.
