Ki pulit jong ka Anti Narcotic Task Force (ANTF) mynta ka sngi ka 4 tarik Naitung 2024 ki la ioh ban kem 6 ngut ki briew na kawei ka kali kaba don ia u number ML 05 E 8363 bad kawei ka bike kaba don ia u number ML 05AC 9261 na Mawiong bad na kine la ioh ban kurup 64.1 gram u Drok Heroin.
Kiba lah shahkem ki long u Shanborlang Khongwir 32 Snem, u Bringson Kharumlong 35 snem, u Kitboklang Nongsiej 29 snem, u Return Dhar 40 snem, u Wanlambok Lyngdoh 25 snem bad u Richard Marbaniang 24 snem, ia ka ejahar la register ha Mawlai Police Station.
Ia u Drok la song ha ki San tylli ki synduk sabon, la ioh ban kurup ruh 7 tylli ki mobile phone, ka pisa T.1,29,000/- (Shilak Arphew Khyndai hajar) tyngka, ka kali maruti 800 bad ka bike.
Ki pulit ki la ioh ban kem ia kine ki nongkhaïi Drok hadien ba ki la pynap shrip ha GS Road Mawiong bad haba la talasi ia ka kali ba ki leit la ioh ban kurup ia kitei ki San tylli ki synduk sabon ba la song ia u Drok.