U DC ka East Jaintia Hills u Shivansh Awasthi, IAS, u la pyntip sha ki lad pathai khubor ba ka jingpyntrei ia ka surok bah National Highway -6, kumba 70 percent ka kam la dep bad ba sah mynta kumba 30 percent bad ka dang iaid shakhmat. U la pyntip ba ki bor pyniaid District East Jaintia bad ki bor pyniaid NHAI ki iai buddien ia kane ka kam.
Shuh shuh u la ong mynta ka NHAI ka la siang da ka surok dewbilat ha ki surok kiba ka rong ka duh lut bad kane ka surok dewbilat ka shim por haduh 15 sngi ban long ban iaid bad ha ka por ba pyntrei ia kane ka surok ka dheng kali ka don beit bad ki bor pyniaid District kim shah iaid kali ha ka por ba dang pyntrei ia ka surok. U la kyntu ia ka National Highway Authority of India ban pyndep noh kloi katba lah ia kane ka surok namar ka jingshna da ka surok Cement kan pynduna ia ka jingjulor kloi ka surok.
