Ka Director General of Police (DGP) jong ka jylla Meghalaya, ka kong Idashisha Nongrang mynta ka sngi Thohdieng kala wan ban pynkup burom ïaki 71 ngut ki pulit AB/Driver Recruit Constables, haka ‘Passing Out Parade’ jong ka 2nd Batch kiba la pyndep ïaka jingshah hikai (Basic Training) ha 3rd MLP (1st IR) Battalion Sahbseiñ West Jaiñtia Hills District.
Hashwa ban pynkup burom la don ka jingïaid March Pass bala shim bynta da kitei ki pulit kiba la dep ban shah hikai pyntbit, ha kane ka sngi la wan ban donlang naduh u Commandant ka 3rd MLP (1st IR) Battalion u Vivek Kanand Singh Rathore, u SP ka WJHD ma C. Syrti, ki heh pulit nalor kiba haïing hasem jong kitei ki pulit. La pynshong shit shuh shuh ïa kane ka sngi da ki jingrwai ba la shim bynta da ki pulit.
Ha kane ka sngi la pynlong ia ka jingialang kaba iphuh iphieng bad ha shwa ban ioh ia ka jingkren na ka Director General of Police kong I. Nongrang, IPS, la ioh ia ka jingkren pdiang burom ia ka kongsan bad ia ki kynrem ki lyndan kiba la shah khot sngewbha sha kane programme da u Commandant jong ka 3rd Meghalaya Batalian Sahbsain nangta bud sa ka parade da ka 2 I/C ABRC kaba ialam da u Sumardeiakor Niang na West Garo Hills District, District Executive Force (DEF), bud sa ka Platoon No.I Commander C/3177 kaba ialam da u First Pillar Suchiang na East Khasi Hills District Exeutive Force (DEF) bad ka Platoon No 2 Commander ABRC/31 kaba ialam da u Tensuang Sangma na East Khasi Hills District Executive Force (DEF) nangta bud sa ki Police kiba khaweh da ka Lama India bad ka Lama jong ka kynhun Meghalaya Police Battalion.
Ka Director General of Police kong Ibashisha Nongrang IPS, haba kren ha kane ka sngi ka pynpaw ia ka jingkmen ban ia don lang ha kum kane ka sngi ka bakhraw bad ka kynhun MLP Bn Sahbsain, West Jaiñtia Hills District bad pynkynmaw ia baroh ki Police ban phai khmat sha kito kiba la shakri ia ka ri da ka mynsiem aiti lut ialade kumta ruh ka kyntu ia baroh ki Police kumba ki la rah ia ka Lama jong ka ri bad ka Lama jong ka Kynhun Police MLP Bn, ba kin kynmaw iala ka deity ha ka ban shakri iala ki para briew bad ban iada bad shakri ia ki Nong Meghalaya bad ban long barabor kiba dep hok iala ka deity da ka akor ka burom bad da ka mynsiem kaba shlur ban shakri iala ki para briew, pynkut ka kong Ibashisha Nongrang, Director General of Police Meghalaya Shillong.
Kine 71 ngut kiba la dep ban shah hikai ki kynthup na ki Unit bapher bapher na West Garo Hills DEF, East Khasi Hills DEF, East Garo Hill DEF, 1st Meghalaya Police Battalion, West Jaiñtia DEF, Special Branch, CID Ribhoi, North Garo DEF, South Garo DEF bad 1 Driver Constable na ka ophis DIGP Eastern Range.
Ki don 8 ngut ki (Commandant Follower) 4 na Ribhoi, mar 2 ngut na North Garo bad East Garo Hill, la pyntip bala ai jinghikai ha ki subject bapher bapher katkum ka rukom treikam jong ka tnad pulit.
Ka DGP kala sam ruh ïa ki khusnam sha ki 6 ngut ki pulit ïa kiba la jied kyrpang napdeng kitei ki Pulit kiba shah hikai, ïa ka nam Best in Arms Handling la ïoh da u ABRC Lectush Sangma na ka WGH DEF Tura, Best in Firing la ïoh da u ABRC Tengsrang Sangma na ka EGH DEF Williamnagar, Best in BPET la ïoh da u ABRC Sumardeiakor Niang na ka WGH DEF Tura, Best in PPT la ïoh da u ABRC Jenggibirth ch Marak na ka WGH DEF, Best in Exemplary Conduct la ïoh da u ABRC Octoborn Talang na WGH DEF Tura bad ïa ka Best in Rounder la ïoh da u ABRC Ynsateilang Kharsyntiew na ka EKH DEF Shillong.
