Jop ka Shillong Cricket Association (B) haka Final Zone 1 jong ka Inter District U-19 Boys Cricket Tournament 2022 ka MCA

Ka Shillong Cricket Association (B) kala khur ia ka nam jop ha ka Zone 1 Final jong ka Inter District U-19 Boys Cricket Tournament 2022 bala pyniaid da ka Meghalaya Cricket Association ryngkat bad ka All Jaintia Cricket Association bala pynlong ha madan ialehkai jong ka shnong Khliehtyrchi hynnin ka sngi Saitjaiñ.

Ka jingiakhun Final ka long hapdeng ka All Jaintia Cricket Association pyrshah ia ka Shillong Cricket Association (B) ha ka por 12:45 p.m, ka Shillong Cricket Association (B) ka la lah ban pynliem ia ka All Jaintia Cricket Association  da 43 runs.

Ia ka jingialehkai la hap ban pynlong tang 15 overs shiliang na ka daw ka jingpynthut ka mariang.

Ia ka Toss la jop da ka Shillong Cricket Association (B) bad kala jied ban tied nyngkong.

Ka Shillong Cricket Association (B) ka ba tied nyngkong ka la lah ban tied 128  runs na ki 15 overs bad duh noh 5 wickets. U Manthan Dey  u la kamai 41 runs (5×4,1×6) na ki 26 balls, katba u Dipankar Burua u la tied 28 runs (4×4) na ki 16 balls. U Puraki Shadap Passah bad u Satemitre Bareh jong ka All Jaintia Cricket Association kila ioh khur mar 2 wicket na ki 3 overs.

Ka All Jaintia Cricket Association  haba beh ia ka  thong ka la lah ban kamai tang 85 ron na ki 15 overs bad hap 6 wicket. U Saibormiki Passah ula kamai 23 runs (2×4,2×6) na ki 21 balls, katba u Chwamiki Ryngkhlem pat ula kamai 23 runs (2×4) na ki 34 balls. U Jerimaiah Lyngdoh Kynshi jong ka Shillong Cricket Association (B) ula ioh khur 4 wickets na ki 3 overs.

Lyngba katei ka jingjop ka Shillong Cricket Association (B) kala ioh ban rung sha ka Grand Final ka ban sa pynlong lashai ka sngi (Monday : 02-05-2022) ha nongbah Tura bad kan ia kynduh bad ka nongjop (Winner) jong ka Zone 2.

Ia ka nam Player of the Match la ioh rah da u Jerimaiah Lyngdoh Kynshi jong ka Shillong Cricket Association (B).