Ki Pulit ka East Khasi Hills mynta ka sngi ka 11 tarik Jylliew ki la wanrah tian bishar ia ka Sonam Raghuvanshi bad 4 ngut ki suba donkti ban pyniap ia u Raja Raghuvanshi ha District Session Court Shillong.
Hadien ba la dep tian bishar ia baroh 5 ngut ki Pulit ki la ioh ban tohkit 8 sngi ia kine ki 5 ngut kiba suba donkti halor ka jingkhlad u Raja Raghuvanshi ha Sohra.
Kumban shu pynkynmaw ka Sonam Raghuvanshi bad u Raja Raghuvanshi ki dei shikurim kiba la wan kai Honeymoon sha Sohra bad naduh 23 tarik ki la jah rngai bad ki Pulit ki la pynlong ia ka jingwad ia kine ki shikurim bad ha ka 2 tarik ki Pulit ki la lap ia ka met u Raja Raghuvanshi na Riat Arliang hajan ka kshaid Weisawdong.
Hadien ba ki pulit ki la lap ia ka met u Raja Raghuvanshi, ki la wad ia ka met jong ka Sonam bad lap tang ia ka wait bad ka Raincoat.
Hadien ka 9 tarik ki Pulit ki la ioh ban kem noh ia ka Sonam na Uttar Pradesh bad ia 4 ngut ki suba donkti ban pyniap ia u Raja Raghuvanshi.
Ki Pulit ki la wanrah ban tian bishar ia ka sonam bad ia 4 ngut kiba suba donkti halor ka jingjia u Raja Raghuvanshi.
Ki 5 ngot kiba la sha kem ha ki Pulit kiba suba donkti ban pyniap ia u Raja Raghuvanshi ki kynthup ia u Anand Kurmi, Vishal Sing Chauhan, Akash Rajput, Raj Khushwaha bad ka Sonam Raghuvanshi.
