Ka FKJGP Agriculture Cell bad ka FKJGP Mawkynrew Circle ha ka 19 tarik Lber 2025 ki la leit iakynduh ia u ophisar ba peit ia ka tnad ka rep ka riang hapoh ka Block Mawkynrew halor ka jingiakynduh jingeh ki Nongrep kane ka thaiñ haba iadei bad ka jingduna ki symbai jhur bad ban pynioh subsidy bapher bapher na ka bynta ki Nongrep.
Haba kren sha ki lad pathai khubor na ka liang ka FKJGP Agriculture Cell ka la ong ka jingwan kynduh ia u ophisar jong ka rep ka riang hapoh Ophis jong ka block ka dei halor ka jingkynduh jingeh ki Nongrep kane ka thaiñ bad na ka liang ka Seng ka kyntu ia ka sorkar ban wanrah khambun ki symbai jhur bad kumjuh ki dawai sboh ban pynioh subsidy bapher bapher na ka bynta ki Nongrep, namar ki Nongrep ki dei ki budlum jong ka Jylla bad 80 percent ha ka Jylla ki dei ki Nongrep.
Kumta na ka liang ka Seng ka kyntu ia ka sorkar ban phai khmat lem sha ki Nongrep ka Jylla khnang ba kan long ka jingmyntoi ia ka Jylla bad khamtam eh ia ki Nongrep jong ka Jylla.
