Ka Second Warjaintia Scholarship Examination 2025 ba pyniaid da ka Education Sub Committee ka seng WjSU mynta ka sngi 13th December 2025 ka la iaid beit iaid ryntih. Ki khynnah skul na baroh 3 section ki la dep ialeh ia kane ka Competitive Examination mynta ka sngi ha ki 15 tylli ki examination centres hapoh ka Greater Warjaintia region.
Ki khynnah skul kiba wan shim bynta ha kane ka Competitive Examination ki long 822 ngut thik. Kaba pyni ia ka jingkiew kaba 9 percent na ka jingiakhun jong ka First Warjaintia Scholarship Examination 2024.
Ka Miss Grateful A Pohthmi, Chairperson jong ka Education Sub Committee ka seng ka ai khublei kyrpang ia ki nonghikai ba ap exam (invigilator), ia ki volunteers ka seng, ia ki skul ba ai lad ban pynlong examination centres ha ki skul jong ki. Ka jingiatrei lang bad ka jingkyrshan jong ki paid ka Warjaintia, la pynlong ban jop ia kane ka Competitive Examination mynta ka sngi.
Ha kawei pat ka liang u Gabriel Shylla, Publicity Secretary ka seng u kwah ban pyntip lyngba ki lad pathai khubor ba ka “Scholarship Distribution Ceremony” jong kane ka Second Warjaintia Scholarship Examination 2025 kan long ha ka 22nd December 2025 ha compound ka skul Riwar Jaintia CoG Secondary School, Ladjaplem, Amlarem, Amlarem Civil Sub-division, West Jaintia Hills District, Meghalaya ha ka por 11:30 AM thik.
Ha kane ka Scholarship Distribution Ceremony yn wan pynshngain bad ai mynsiem ia ka seng da u ma Lahkmen Rymbui, Local MLA bad kumjuh ruh u Education Minister ka sorkar Meghalaya kum u Kongsan (Chief Guest). Ka Kong Dolly Khonglah Prominent Business Personality ka thain Warjaintia bad kumjuh jong ka thain Mihngi ka ri India kum ka Symbud Kongsan (Guest of Honour). U Roy Synrem President HYC Central Body bad Eldie N Lyngdoh General Secretary FKJGP Central Body kin long ki symbud Kongsan ba ar jong kane ka event.
Ia ka Result jong kane ka Second Warjaintia Scholarship Examination 2025 yn pynbna ha ka 17th December 2025 ha ka por 4:30 PM.
