Ka Ophis jong ka Fishery Department West Jaintia Hills District, ka la pynlong ia ka jingai jinghikai (Awareness workshop Programme) kaba shisngi ia ki Nongri Dohkha hynne ka sngi (29/09/25) ha Mookyrdup Dorbar shnong Community Hall ha kaba kumba sanphewngut (50 ngut) ki Nongri Dohkha na ki saw tylli ki CR&D Block kata Thadlaskein Block, Laskein, Amlarem bad Namdong Rural Development Block ki la iawan sha kane ka jingshah hikai (training) kaba shisngi.
Lyngba kane ka jingai jinghikai kaba shisngi, ki Nongri Dohkha ki la sngewthuh shaikdar kumno ban ri Dohkha bad kaei ka jait jingbam ban ai ia ki ba kin heh kin san bad ka ban ai jingmyntoi ia ki Nongri Dohkha.
Ha kane ka sngi ki Nongri Dohkha ki la khmihlynti ban ioh ia ka jingai jinghikai shaphang ka kam ri Dohkha da ka J.K. Marak, SMS, KVK, hynrei pat kam shym la wan bad ia ka jingai jinghikai ia ki Nongri Dohkha la ai jinghikai da u ma P.S. Suting Superintendent ka Fisheries Ophis Jowai bad u ma R. Lytan Programme Manager.
U ma P.S. Suting haba kren ha u Yutip hynne ka sngi ha Ophis treikam jong u, u ong ka jingpynlong ia kane ka Awareness programme kaba shisngi ia ki Nongri Dohkha kiba la wan na ki saw tylli ki Rural Development Block jong ka West Jaintia Hills District halor ka phang Ornamental Fisheries and Seed/Feed Certification. Ka jingpynlong ia kane ka Awareness programme ka long ban pynsngewthuh ia ki paidbah namar bun ki paidbah bad ki nongri dohkha ha West Jaintia Hills kim pat tip bha kiba kumno ki jaitdohkha kiba ki dei ban ri ha ki Nan bad ki Pungdohkha jong ki bad kaba ka bam jong ki Dohkha kaba ki nongri dohkha ki dei ban ai ia ki.
Ha kane ka sngi Awareness Programme nalor u ma P.S.Suting Superintendent of Fisheries West Jaintia Hills District la ia donlang ruh u ma R.Lytan Programme Manager, kong C.Challam Fishery Officer, ma C.Tang MSP, ma Embhahlang Lyngdoh UDA bad kiwei.
