Ka ophis jong ka District Legal Service Authority, West Jaiñtia Hills kala pynlong ia ka jingai jinghikai ka ba shi sngi ia kaba ka la tip kum ka Training Session and Legal Literacy Training Programme for Para Legal Volunteers mynta ka sngi ha Conference Hall jong ka ophis ka District and Session Court, Khliehtyrshi.
Ka Secretary District Legal Service Authority ka kong B. Majaw, MJS ka la batai ia ki paralegal volunteers halor ka phang First Information Report, (FIR), ka rukom ujor ia ka FIR bad kumjuh ruh ia ka jingdonkam ban biang por ban pyntip ia kino kino ki jingjia. Ki volunteers ki la ioh ruh ia ka jingbatai bniah halor ki ba bun ki skim ba ki la pynioh da ka NALSA bad ka Free Legal Services.
Ka kong Majaw ka la batai ruh ia ki volunteers halor ki phang ia ki bynta bapher bapher kynthup ia ka Right to Information (RTI) Act,2005, shaphang ka jingpyn iapher hapdeng ka criminal Law and civil Law, compoundable bad non-compoundable offences, bailable bad non bailable offences bad ka hok ki nongshnong byndi.
Hadien ka ne ki volunteer ki la ia shim bynta ha ka ba kylli jingkylli bad pan jing pynshai halor ki phang bapher bapher.
