Ka ophis treikam jong ka DMC-SSA, West Jaiñtia Hills mynta ka sngi 26 tarik Nailur kala pynlong ïa ka prokram ai jinghikai ba kyrpang ïa ki Block Resource Person (BRP) bad ki Cluster Resource Person (CRP) kaba la pynlong ha Dorbar Hall ka Loompyrdi Ïongpiah, Jowai.
Ha kane ka training hashwa ban ïoh ka jingbatai bniah halor ka UDISE+ & SDMIS 2024-25 la don ka jingkren phylliew jingmut hapdeng kiba wan ïashim bynta da ki BRP bad CRP kiba la pynsngew ïa ki jingtip haka por ba ki leh ïa ka UDISE+ & SDMIS jong u snem bala dep.
Ïa ki jingbathai bniah shaphang ka UDISE+& SDMIS la ai da u R. L. Bimee Suwer, District MIS Coordinator, SSA West Jaiñtia Hills. Uba la pynsngew ïa ka jingdonkam jong kane ka kam hapoh kane ka District, ula buh ruh ka jingkyrpad ïa ki BRP-CRP jong ki Block bapher bapher ban kin ïatreilang khnang ba yn lah ban pyndap ïa ki data jong ki skul katkum ka jingdonkam jong ka sorkar.
Shuh shuh u ma R. L. Bimee Suwer ula ong ha kaba ïadei bad ka UDISE+ & SDMIS ula kyntu ïa ki bor pynïaid jong ki skul hapoh ka District ba kin shim khia ïa kane ka kam bad ban pyntikna ba ki khynnah kiba pule ha ki skul ki dei ban pynrung kyrteng hapoh ka system khnang ban lait na kino kino ki jingeh hadien habud.
La kyntu ruh lada don ki nonghikai kiba shem jingeh ban pyndap ïa ki jingdonkam ki lah ban pan jingïarap na ki CRP kiba don ha manla ki Cluster.
Katba na ka liang ka M. Lakiang, District Mission Coordinator, SSA West Jaiñtia kala wan ban don bynta lang ha kane ka prokram ai jinghikai, kaba la kyntu ïa ki BRP-CRP ba kin pynleit jingmut haka por ba ai jinghikai shaphang ka UDISE+ & SDMIS, khnang ba kan long kaba jop bad ka jingmyntoi ïa kiba don bynta ha kane ka kam bad kumjuh ïa ki skul kiba don hapoh ki Cluster bapher bapher jong ka District.
