Ka ophis District Social Welfare Officer, East Jaintia Hills District, Khliehriat mynta ka sngi kala pynlong ia ka Workshop cum Awareness Programme on Sexual Harassment of Women at Workplace (Prevention, Prohibition & Redressal) Act, 2013 ha Community Hall jong ka shnong Dkhiah West, East Jaintia Hills District.
Ha ba kren ha ka jingialang ka kong R. Passah kaba dei ka District Social Welfare Officer, East Jaintia Hills District, Khliehriat kala ong ba kane ka workshop cum awareness prokram ka long ban pynsngewthuh ia ki longkmie halor kane ka aiñ “Sexual Harassment of Women at Workplace (Prevention, Prohibition and Redressal) Act 2013” bad ban pynsngewthuh shai ia khamtam ia kito ki longkmie kiba trei ha ki ophis bapher bapher, ha ki company ha ki jaka ai jinghikai, ha kaba ila ai jingmut bala jia kano kano ka jingshahleh bor ia ki kim dei ban sheptieng ban wan shakhmat jong ka aiñ, khnang ba ki bor jong ka aiñ kin ioh ban pynshitom ia kito ki nonglehkam sniew. La ioh ruh ka jinghikai ia ki kynthei lane ki longkmie kumno ba kin iada ialade na ka jingshapynbor ha ki kam awria ha ki jaka trei jong ki.
La ioh ruh ka jingkren na i B. Shylla, Advocate, District Legal Services Authority(DLSA), Khliehriat kaba la kren shai bha halor kane ka aiñ.
Ha kane ka prokram la ai jinghikai ruh halor ka phang “Mental Health Issues” bala kren da i kong L. Kyndiah Counsellor, One Stop Centre (OSC), Khliehriat bad ia ka phang “Women Empowerment” la ai jingkren da i kong S. Phawa, Asst. Professor, Jaintia Eastern College, Khliehriat.