Ka Moopynieiñ Socio-Cultural & Sports Organization (MSCSO) ha ka jingiatreilang bad ka ophis jong u Deputy Commissioner East Jaintia Hills District lyngba ka Chief Minister Youth Development Scheme, ka la pynlong ia ka awareness program halor ka phang “Youth problem, Youth Development and Youth Counseling ha ka 9/9/2022 ha ka skul Wering Memorial D.C. L. P School, Moopynieiñ Wapungskur.
Ha kane ka sngi la don lang ki khynnah skul jong ka Step by Step Secondary School bad ka Krant Belt Secondary ha ryngkat ki samla ki rangbah bad ki longkmie ki longkpa. Ha kane ka sngi, ia ka jingialang la pyniaid da u Shaniahskhem Dkhar President jong ka MSCSO bad ai ruh ia ki kyntien pdiang burom.
U Tymmen basan N. J. Ryngkhlem uwei na ki dkhot jong ka MSCSO u ai jingkren ha kane ka awareness program. Ki Resources Person kiba don ha kane ki long ka kong Athabasca Sariang, Incharge of Children’s Home Boy’s Khliehriat kaba pynshai ia ka jingdonkam ka counseling centre, ka la kyntu ruh ba kim dei ban lehraiñ lane sngew sarong ban iathuh ia ki jingeh jong ki ha ki kmie ki kpa bad kumno ban lait na ki jingsniew ba har rukom naduh ki kynja dih pynbuaid bad kiwei kiwei de.
Ka Dr. Berissda Siangshai (BHMS) kaba kren ia ka phang kumno kum ki khynnah samla bad ki khynnah skul ba kim dei satia ban lehrain ban trei ia kano kano ka kam wat lada ki long kiba rit ruh. I kong Joplin Shadap Manner LS na ka ophis ICDS iba la kren shaphang ka rukom rukom dih bad kumno ban bam ia ki ia jingbam ba tei ia ka met ka phad. I bah B. Jyrwa Additional Superintendent of Police East Jaintia Hills District i don lang ha kane ka sngi.
