Ia ia ka jingai jingpynshai ba shisngi halor ki kyndon aiñ bapher bapher ne ka One Day Legal Awareness Programme kaba dei shi bynta ka Pan India Campaign la pynlong mynta da ka Meghalaya State Legal Services Authority (MSLSA) ha ka jingiatrei ryngkat bad ka High Court Legal Services Committee bad ka District Legal Services Authority jong ka East Khasi Hills District.
Ia kane ka prokram la pynlong mynta ka sngi kawei ha W. Rubyson S/S School, Sohlap bad kawei ha iew Shella, East Khasi Hills District.
Ha ka prokram ka kong P.Riahtam kaba dei ka Legal Aid Counsel, DLSA, Shillong kala ai jingkren halor ka phang Free Legal Services, Fundamental Rights & Duties, POCSO Act, Child Labour bad ka Child Rights bad kiwei kiwei. La ioh ruh ia ka jingpyni nuksa bad jinghikai na ka tnad Health Department.
