Ka Tnad Commerce & Industries, jong ka sorkar jylla ha ka 10 tarik ïaiong ka la pynlong ia ka jingai jinghikai ia ki samla kiba thrang ban pyntbit ialade ha ka kam Pynbha briew ne ka Make-up kaba la long ha Youth Hostel Shillong.
Ha kane ka sngi la wan ban ia don ryngkat lang u bah M. L. Wanshnong, Joint Director ka tnat Commerce & Industries, u Shashank B. Dash, SPIU Team Leader, u Bah. A. Malngiang, General Manager, District Commerce & Industries Centre, Shillong bad Deputy Director ka Directorate of Commerce & Industries ha kane ka sngi la don lang ruh da ka kong Elizabeth Mukhim ka ban long ka nonghikai ia kine ki samla ki ban wan shah hikai.
Ka Kong Elizabeth ka dei ka wei na ki longkmie na ka jylla kaba la pyndep ia ki jinghikai bapher bapher kum na France, Thailand bad Singapore. Ka Kong Mukhim kan long ka wei na ki nonghikai sha ki 50 ngut ki samla ki ba wan ban shah hikai.
Haba ia kren bad ki lad pathai khubor u Deputy Director ka tnad Commerce and Industries u bah Winfred Warshong u la iathuh ba ka thong jong ka tnat ka long ban ai lem ka kti ka mon ka kti ka diang ia ki samla jong ka jylla ban ieng ha la ki jong ki kjat, u la iathuh ba ka tnad ka la sdang ia kane naduh kine ki snem ba la dep bad lyngba kane shibun ki samla ki la ioh ban sdang ia ka jingseng kam seng jam bad ai kam ruh sha kiwei de.
