Ka prokram ba ar sngi halor ka phang Capacity Building Training on Packaging of Pottery na ka bynta ki nongthawkhiew khyndew ka shnong Larnai bad Tyrshang kaba la pynlong da ka ophis jong u District Industries Commerce and Industries Centre, Jowai ha High Wind Hotel kala wanrah ka jingmyntoi kaba khraw ia kitei ki nongshong shnong.
Ia kane ka prokram la sdang naduh ka 25 tarik ha kaba u P.K. Boro Addl. Deputy Commissioner ulong u kongsan, katba u Deputy Director Commerce & Industries Centre, Shillong Meghalaya u bah M.L. Wanshnong ula long u symbud kongsan. Ia kane ka prokram la pynkut mynta ka sngi 26 tarik.
La ai jinghikai ia kane ka prokram da ka Institute of Packaging Kolkatta Centre kaba la kyrshan da ka Department of Commer, Ministry of Commerce & Industries, Government of India ha ka jingiatrei ryngka ka Government of Meghalaya, Commerce & Industries Department.
U Boro u pynpaw ka jingsngew sarong ban tip ba ki nongshong shnong ka Tyrshang bad Larnai ki dang lah ban pynneh pynsah ia kane ka jingtreikti kaba la pynmlien naduh barim bajah. U ong ba ka long ka jingmyntoi kaba khraw ba ki ioh ia kane ka lad ban shah hikai ha ki riewshemphang na Mumbai bad Kolkata ha ka jingiadei bad ka rukom song ia ki mar. U kyrmen ba ka sorkar Meghala kan sa lah ban pynioh jingiarap ia kitei ki nongthawkhiew khyndew. Kiwei de kiba ai jingkren ki kynthup ia u Bidhan Das, Director & Branch Head, Indian Institute of Packaging, Kolkatta, u ma P. Toi General Manger District Commerce & Industries Centre, Jowai, uba la ong ba ka jingpynlong ia kane prokram la long ruh shibynta na ka jingrakhe ia ka ‘Azadi ka Amrit ka Mahotsav” ne ka jingdap 75 snem ka jingiohlaitluid ka ri India.
