Ka Orphan Children Foundation (OCF), mynta ka sngi ka 28.07.2023, hapoh ka jingialam u Founder Chairman bah L. Dkhar lem bad ki dkhot ki la ioh ban ai jingiarap da ki marbam ia ki khunswet bad kiba duna dkhot met ha ka Shnong Biar bad shong Pyntei, West Jaintia Hills District.
Ha ka Shnong Biar hashwa ban sam ia ki mar bam la don ka jingialang kaba la pyniaiad da u Secretary ka Shnong Biar u ma P. Sungoh u ba long ruh kum u Finance Secretary ka OCF West Jaiñtia Hills, la ioh ia ka jingkren lyngkot na ka kong M. Bareh Office Secretary OCF bad la ioh ruh ia ka jingkren na u Founder Chairman ka OCF.
Katba ha ka shnong Pyntei la pyniaid ia ka jingialang da u Secretary ka Shnong u Y. Syngkon uba la pynpaw ka jingburom shikatdei eh ia ki dkhot kane ka Foundation ba ki la lah ban wan iarap ia ki khynnah khunswet bad kiba duna dkhot met kiba don kam shisha ia ka jingiarap. La ioh ruh ia ka jingkren lyngkot na u Finance Secretary ka OCF u ma P. Sungoh.
Ha kane ka sngi la ioh ruh ia ka jingkren na u Chairman OFC ma Dkhar uba la ong wat la ki long ki khunswet khun rangli kumjuh kiba duna ym dei ban ibeiñ ne lehbeiñ ia ki bad u la ong ruh lada dang don ki khynnah ki bym pat ioh jingiarap ha kane ka sngi ha kane ka Shnong ki lah ban phone ha ki volunteer jong kane ka Foundation khnang ba kin lah ban leh ia kaba don kam.