Ka HYC War Jaintia Circle ka pynpaw ba ka ai ka jingkyrshan ba pura ia ka jingdawa jong ka Warjaintia Student’s Union halor ka jingshna torti (Double standard) ia u Madan Synthetic Artificial Turf Ladjaplem Amlarem Sub Division.
Na ka liang ka seng ka pynpaw ka jingpynrem halor ka jingshna torti ia u Madan Artificial Turf ha Ladjaplem, hadien ba la iohi ha ki lad pathai khubor lynba ka RTI ba don ka jingbymtrei hok ia u Madan katkum ka Estimate (Drawing plan).
Kane ka pynpaw shai kdar ba don ka jingiasylla sha lyndet. “Ngi kum ka seng ngi ai ka jingiatreilang kaba pura bad ka WJSU na ka bynta ka jingmyntoi jong ki khun samla jong ka thaiñ war Jaiñtia baieid eh jong ngi, ngi khmih lynti ba ki bor ba dei peit ba kin shna bha ia ka Madan ialehkai katkum ka juk kaba mynta” pynpaw u President ka HYC War Jaintia u Samla Yoodahunki Shylla.
