Ki nongshong shnong jong ki ar shnong kiba kynthup iaka shnong Kwator bad Pdeingwahkhrim lyngba u Waheh Shnong Kwator ma Ebran Suchen bad u Waheh Shnong ka Pdeingwahkhrim u Push Syrti, kila pynpaw ka jingkyshan ba pura ia ka jingdawa u bah Marshall Biam ban shna noh ia u surok mar mar u ba thymmai ha ba ia dei bad u ne surok jong kitei ki shnong.
Kum ki shnong ki la ong ba kila mad ia ki jingeh bakhraw kiba kynthup naduh ka leit ka wan kham tam ha ka por ba pang shitom ki mad ia ka jingeh bakhraw wat tang ki ambulance ruh kim lait ban wan ai jingiarap ia ki khamtam ia ki kynthei ha por kha khun ki hap ban kha ha ïing namar lada iaid lyngba une u surok bunsien ki hap ban kha khun ha lynti lada don ki tymmen kiba pang kim nud shuh ban shong kali namar ki tieng ban shong kali ioh don kiba dkut mynsiem ha lynti namar jingsniew palat ka surok wat ki briew sorkar ruh haba ki wan donkam sha ka thaiñ jong ki ki wan da ki pickup ne da ki gypsy ne ki kali ba khlain bor.
Namar ka jingshah ieh bein bad jot rynthai une surok naduh u snem 2016 tad haduh mynta kila ong ba ka long ka jingsngewsih bha ia ka thaiñ baroh kawei, kum ki nong shong shnong bunsien ki shah thok namar bun ki nongmihkhmat ki wan kular tang ka por election yn da la dep election kim patiaw shuh ia une u surok.
Kumta kila kyrpad ia ka sorkar jylla ban shna mardor ia une u surok bad ki sngew sarong ba don kum une samla (M. Biam) ban mih shakhmat ban khmih ia ka jingeh bakhraw jong kane ka thiañ jong bad bad ngi kyrshan pura ia u lada u don kam ia ki kum ki nongshong shnong jong ka thaiñ ha kino kino por ki kloi ban mih shakhmat bad u.