Ka Environmental Public hearing kaba la khot pynlong da ka Meghalaya State Pollution Control Board (MSPCB)mynta ka sngi 22.08.2024, ha Bymdihati East Jaintia Hills District na ka bynta ka par dewiong ha ka jaka kaba heh haduh 148 hectare ha ka jaka kaba la tip kum ka Saryngkham A Coal Mine kaba don haka Dong Umsngad East Jaintia Hills District.
Ha kane ka jingpynsngew piadbah ka MPCSB na ka bynta ban ioh ia ka jingtip na kiba bun ba lang la kyrshan ne pyshah ia ka jingthum ban tih ia u dewiong na ka tei ka jaka, la wan ban shim bynta da ki Waheh Shnong bapher bapher jong ka thain East Jaiñtia, ki sengbhalang bad ki paidbah.
Ha kaba na ka liang jong kiba bun balang kiba la wan sha kane ka Public Hearing kila pynpaw ia ka jingkyrshan kaba pura ka jong ki ia kane ka jingthmu ban tih ia u dewiong lyngba ka juk mynta ne ka jingstad science. Kiba la pynpaw ba mynta la 10 snem la khang ban tih dewing ha kane ka thain da ka NGT kata naduh u snem 2014, ka la wanrah shibun ka jingduh nong kaba khraw ia kane ka thain ha baroh ki liang.
U ma Justine Dkhar Ex MLA haba kren u la ong ba ha kane ka thain East Jaintia la sdang ban tih ia u Dewiong naduh kipor phareng bad ki trai ri ruh kila iabud bad sdang ban tih ia u dewiong. U la ong ruh ba ka East Jaiñtia ka long kawei na ki thaiñ kaba sahdien tam ha ki liang baroh ha kipor mynshwa hynrei lyngba ka jingtrei dewiong ka la kiew ha baroh ki liang naduh ka ioh ka kot, ka jingnang jingstad bad kiwei de. U la ong ruh hadien ka jingshah khang tih dew dewiong ka la wanrah biang ka jingduhnong, kumta da ka jingwan sha khamt jong u samla Dapmian Shylla (Properitor) bad lyngba ka jingkyrshan lang jong ki paidbah kan wan rah biang ka jingkylla ha kane ka than. Kumjuh ruh u la ong ba ka jingtih dewiong kaba da ka stad saian kam don jingma ia ki nongtrei bad kam ktah ruh ia ka mariang khamtam ia ki um ki wah bad ki khlaw ki btab.
Kiwei de kiba ai jingkren ki kynthup ia u ma Hambertus Nongtdu Headman Byndihati u ba long ruh u President ka East Jaintia Coal Miner Association, Wilbert Nongtdu Headman DeinChynrum, Sambormi Lyngdoh President JNC, D.Swer na Khliehriat, Bailos Swer, Kong Richu Shadap na Narwan bad kiwei de. Na ka liang ki nongkren baroh ki la kyntu ruh ia ki bor ba dei peit ban pynioh noh kloi ia ka CTO, CTE sha u trai jong kane ka jaka khang ban ioh ban sdang noh ia ka jingtih dewiong lyngba ka juk thymmai.
Ia ka jingialang la pyniaid da u YFH Laloo Environmental Engineer MSPCB, ha ka jingiadonlang, u JF Lamurong Enviromental Engineer, DC, SP East Jaiñtia bad kiwei de.
