Ka tnad India Meteorological Department (IMD) kala ai ka jingmaham ia ki nongshong shnong jong ka Jylla Meghalaya na ka bynta ki san sngi kata naduh ka 31 tarik u Jymmang haduh ka 4 tarik u Jylliew 2025.
Na ka liang ka IMD kala kdew ia kawei pa kawei ka sngi katkum ka jinglong jingman jong ka suiñ bneng bad ki bor jong ka mariang da kaba buh dak jingmaham.
Ka jingbuh dak jong ka IMD ki don 4 bynta; kita ki long ka rong saw, rong sawjngum, rong stem bad rong jyrngam.
Ka rong saw ka pyni ia ka dak jingmaham kaba ki nongshong shnong kidei ban shim ia ki lad jingiada (Warning-Take action) ban lait na kino kino ki jingmynsaw jong ka jingim.
Ka rong sawjngum ka pyni ia ka dak ban long kiba la pynkhreh ba thaw ki lad jingiada (Alert be prepared to take action).
Ka rong stem ka pyni ia ka dak ban long kiba phikir ne husiar (watch-ba aware).
Katba ka rong jyrngam pat ka pyni dak ba yn ym don kano kano ka jingma, wat lada ka don ka jinghap jong u slap ne jingbeh lyer, namar kin long kiba duna bad suki.
Kumta na ka liang ka tnad IMD ka pynmih ia kane ka jingmaham man la ka por, khnang ba ki nongshong shnong kin tip ban bud ryntih bad ban lait na kino kino ki jingjia ba sngewsih.
Kine harum ki long ki jingmaham bala pynmih da ka IMD:-
